Navratri Special Thali

FryWale Aloo: Aloo ubalkar chheel lein aur tukdon mein kaat lein. Kadhai mein ghee garam karein aur hari mirch,jeera, dhaniya patti, black pepper powder daalein. Aloo aur sendha namak milayein. Halka golden hone tak bhunein.

Singhare Ki Kadhi: singhare ka atta ,dry mango powder aur paani ko achhe se milayein, taaki lumps na banein..kadhi mai ghee dale jb ghee gram ho jaye tb jeera, hari mirch dale. Mixture ko kadhai mein daalkar dheemi aanch par pakayein. Sendha namak dale.  Gaadha hone tak lagataar chalayein.

Singhare Ki Poori: Singhare ke aate mein sendha namak , boiled aalu milayein. Thoda-thoda paani daalkar aata gundhein. Chhoti pooriyan belein. Garam ghee ya allowed oil mein golden hone tak fry karein.

Singhare Ki Pakodi: Singhare ke aate mein chopped potato hari mirch aur sendha namak milayein. Paani daalkar gaadha batter banayein. Garam ghee ya allowed oil mein chhoti pakodiyan daalein. Golden aur crispy hone tak fry karein.

Panchamrit: Ek saaf bartan mein doodh aur dahi milayein. Shahad, cheeni ,dry fruits. Sabhi ingredients ko achhe se mix karein. Parampara ke anusaar tulsi patta daale.

Singhare Ki Panjiri: Kadhai mein ghee garam karein. Singhare ka atta daalkar dheemi aanch par achhi khushboo aane aur golden hone tak bhunein. Gas band karke mixture ko thoda thanda hone dein. Boora aur elachi power dale. Achhe se mix kare.

Nariyal Ka Paak: Kadhai mein kaddukas kiya hua nariyal aur cheeni daalein. Dheemi aanch par pakayein aur zaroorat ke hisaab se thoda doodh milayein. Mixture gaadha hone par gas band kar dein. Ghee lagi plate mein mixture phaila dein. Thanda hone par manchahe shape mein kaat lein.

Singhade ke aate ka halwa: sabse pehle ghhe dale ab aata dale jb ye halka sa sunhera ho jaye tb chinni dale or pani milye chalte rahe jb tk halwa na ban jaye.