Moong Magic Healthy Idli Pasta

Hari Moong Dal Idli: Hari moong dal ko 4–5 ghante bhigo do.  Paani nikaal kar dal ko mixer mein smooth, thoda thick batter bana lo.

Isme dahi, adrak, hari mirch aur namak mix karo. 10–15 minute batter ko rest do. Cooker mein 1.5–2 glass paani daal kar stand rakho. Whistle hata dena.

Idli mould ko halka oil laga kar batter bhar do. Mould ko cooker mein rakhkar lid laga do aur medium flame par 10–12 minute steam karo.

Gas band karke 2–3 minute baad idli nikaal lo. Idli ko thanda hone do, phir chhote pasta-style pieces mein cut kar lo.

Ab Idli Pasta: Pan mein oil garam karo. Garlic aur onion ko halka saute karo. aur tomato daal kar 2–3 minute cook karo.

Ketchup, chilli flakes, oregano,pasta masala ,pepper aur salt add karo.

Ab moong idli ke pasta-style pieces daal kar gently toss karo, taki idli toot na jaye. 2–3 minute cook karke gas band kar do.

apka moong Magic healthy idli pasta banke ready hai.